10 ومضات من اختياري....

ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك

جبت كلب ثاني حتة اكدر انساك
صارت مصيبة وحبك الثاني
عليك تعاركو هذا كتل ذاك
زعل كلبي اعله كلبي وموتاني

على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب

ابوطنة الضحكة شردت من الحلوك
والعيدية دوم مزاعلة الأيد
يجينا العيد جان ومامش هدوم
هسة هدوم عدنة ومايجي العيد

اكص لساني خاطر ما أحاجيك
وحتة ينتهي البينك وبيني
لكيت انوب عيني تسولف وياك
يعني شلون اكص لسان عيني

حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني

يا أول عشك ياخذني لبعيد
ياأول محب يحتل كياني
زعلت وياك مرة وخلصت وياك
واني وياك صار وطلكاني
كلت انساك خاطر انسا ألأهموم
شوطلعت محبتك من اذاني
لو أدري بغيابك يهدم الحيل
جا كصيتة لعيونك لساني

الحكومة انطت شعبها ارقام وارقام
حتى المواطن ايخابر ويشرح همومة
شعب خارج نطاق التغطية يعيش
اذن شيسوي بارقام الحكومة

شوكت باجر يجي حتى اكعد وياك
واضمنك ضلع مابين الأضلوع
واذا باجر اجه وماجابك وياه
اكض باجر واشمرنه من الأسبوع

أمس اباب بيتك ضاعت الروح
واجيت ادوور هم شفتها
اظن لمن كعدنة بعتبة الباب
رحت انة وبقت يمك عفتها

ياسلام عليك يااروع ناعمه

اعجابي سجليه بهذا الذوق

شكراااا لك