واناجيك /وهايم اني / ولا كتلك _أبوذيات الراوي

ثلاثة أبيات من أبوذياتي لعيونكم

اشر لي بطرف عينك وانا اجيك
ولو ببحور آنه اغرگ وانجّيك
اشحلو ياسمر تناجيني واناجيك
ونموت ونحيى يحبيّب سويه

&
تعذّبني بهواك وهايم انـــــــــــي

وچنت أحلم تحبني !وهاي اماني

اكتلتني عيونك انت وهي يماني

حبيبي ,,شگد قسيت بجد عليه!

&

تِــــــذَوب البسمه حلوه ولاگتلّك

تگلّي : اصبر حبيبي . ولا گتّلّك

مــــــطر نيسان حبّي ولاگه تلّك

بــــــحنين ولهفه ومشابك سويه

&&&&

إسماعيل الراوي

» اصب لك /أبوذيات الراوي
» عدّه /أبوذيات الراوي
» شتله منه /أبوذيات الراوي
» لوماً /أبوذيات الراوي بالفصيح!
» مدونة للشاعر إسماعيل الراوي