السلام عليكم
أشكركم على هالمنتدى الرائع ،، بصراحة أنا من متابعين مواضيع المنتدى
دائماو لكن لم أشارك فيه إلا هذه اللحظة لاني تعبت والله من زوج خائن !!!
بيصرلي الشهر القادم 3 سنوات متزوجين ولي طفلين ماصارلي 4 شهور منذ وضعت طفلي الثاني ،،
مشكلتي بدأت من ولدت اول طفل لي وكان لي بالضبط سنه و خمس شهور متزوجين ،،
اكتشفت خيانته بالصدفة عن طريق الموبايل،، والله شاهد ياناس ماقصرت معاه
بأي شي و أموت أموت فيه و فكروا معاي تونا متزوجين و أول طفل لنا !!!!
حسبي الله ونعم الوكيل ،، كانت بيننا مشاكل مثل اي ازواج في بداية حياتهم
و هو شخصيته عصبي من أي شي !! بس لما أفكر بعلاقته بوحده ثانيه أحس انه
شخصيته وياها مثل أي عاشقين وهذا اللي يقهر ..
طولت عليكم بس والله من القهر !!
اللي يشيب الراس إني طلعت معلومات عنها وكأن ربي فتحلي أبواب كثيرة علشان بس انتبه !!
تخيلوا لإنها متــــــــــــــــــــــزوجة !! حاولت اهددها بطريقة غير
مباشرة ما تدخلت انا بالموضوع دخلت ناس ثانية !! وحسيت انه تغير وبدأ
يرجعلي والله أعلم ،،
الحـــــــــــــــــين ،،، حلمت حلم والله العظيم اني ما ادري شلون
طلعتلي وحدة شفتها في مرة من المرات في السوبر ماركت وكان و وطفلي معاي
ولقيته يقول هاذي معاي بالدوام وزوجي حده ثقيل و برستيج تخيلوا يوم قاللي
ما انتبهت لها ولا لملامحها ،، عادي خذيت الموضوع بس اللي شككني فيها انه
قام يتلفت يمين ويسار يدور عليها وحتى اختفى مع طفلي بالسوبرمارك وصار
يتحجج انه راح يدور اغراض وما حصلها شي !!!!!!!!!!!!!!!!1
والله اطلعتلي بالحلم ومعاها طفل صغير وتقول انها تحب زوجي وبتتزوجه قمت
من النوم وحسه انه ردلها و فعلا يوم شفت جواله لقيت انه داق عليها و داقه
عليه و مراسلين بعض !!
أنا بعرف هل عرفها قبل لا أتزوجه ؟؟؟!!!!! لانه اذا عارفها من قبل غير لما يكون عارفها واحنا متزوجين جديد !!!!
دقيت وهددتها أمس إني راح اعلم زوجها إذا ماراجعت نفسها و طريجها !!
والله اني انجنيت صرت ما احب اشوف وجهه حتى هو لاحظ وقاللي شفيج و انا مو عارفه اقوله شي !!
بكيت ليمن تعبت من البكي أنا بغرفة وهو بغرفه طبعا من قبل هاذي حركاته بحجة ازعاج الاطفال بس هو يبي الجو يصفاله !!
أنا عادي البس واكشخ و لاحظني اني بحاول اعطيه طاف و اسلي عمري !
تعبت والله معاه ماادري اصارحه اني اعرف من قبل والا شلون ؟؟لانه اليوم
دازلها مسج بس ما ادري مضمونه لانه في السجل وهو ماسح المسجات والمكالمات
!!!
انا أؤمن بأن الحل في ايده هو مو بيدها لانه بكيفه الرجال اذا بيخربط او
لا !!! بس المصيبة انها متزوجة !! هذا اللي عرفته من السنه اللي فاتت بس
هل تطلقت او لا ما ادري !!!!
مو عارفه شسوي ومالي احد اكلمه بالموضوع !!
ادري طولت بس ساعدوني الله يخليكم ..
أختكم