بسم الله الرحمن الرحيم
اولا اشكر كل عضو او زائر دخل موضوعي وانشالله تفيدوني وتريحوني
مشكلتي بدت مع زواجي لاني قبل الزواج كنت ورده مفتحه لكن الان للاسف اناورده ذابله
اساس المشكله هي اوضاع زوجي الماديه انا ما اقول العيب في زوجي لا..العيب في حالته الماديه للاسف
انا من عائله ميسوره جدا ولله الحمد ما كنت احسب للفلوس اي حساب ابدا وكنت
اظن كل الناس مثلنا فلما تقدم لي زوجي ما فكرت اسال عن وضعه المادي ابدا
لاني ما كنت اعرف وش اللي ينتظرني
وبعد الزواج اكتشفت كل شي وانصدمت بشده لكن تمالكت نفسي عشان احافظ على زواجنا ومازلت على هذا الحال
.... المشكله اني من بداية زواجي الى اليوم وانا اي شي اتمناه انا اللي
اسعى لحد ما احصل عليه اما زوجي رافع شعاره المعتاد..انا ماعندي.......
ولاني ماتعودت على الحرمان صرت اسعى بكل الوسائل المشروعه اني احقق اللي
ابيه.... والحين صار عندنا اولاد وصرت اسعى اني احقق لهم اي شي يعجز ابوهم
عن تحقيقه عشان مايكونو اقل من غيرهم في شي واكره نظرة الحزن في عيونهم
.......... السؤال هل فيه احد مثلي شايل هم ماتعود عليه؟؟؟؟؟؟؟ لاني تعبت
بصراحه..الطلاق دائما في بالي لكن زوجي مافيه شي ظاهر يعيبه...واخاف من
كلام الناس بس ماعاد عندي طاقه زياده ....... فقدت ثقتي بنفسي واصابني
القولون ودائما حزينه وشايله هم...احس اني غيرمطالبه بتحقيق رغباتي الخاصه
اللي مفروض زوجي يوفرها لي زي اي وحده في هالدنيا......تحطمت احلامي
وامالي وبصراحه الى الان ماقدرت احب زوجي حب صادق يعني ما افقده لما يغيب
وما ازعل لما يمرض وما احس اني مهتمه بمشاعره تجاهي ......... معاناتي
طويله ومقدر اكتبها في سطور بس ياترى احد منكم عايش مثلي؟؟؟؟؟ ووش اسوي
بحياتي؟